VLC மீடியா பிளேயர் உதவியுடன் வெப்கேம் ரெக்கார்டிங்

வெப்கேமினை பயன்படுத்தி வீடியோ பதிவு செய்ய மென்பொருள்கள் பல உள்ளன. சில நேரங்களில் நம்மால் அந்த குறிப்பிட்ட மென்பொருள்களை பயன்படுத்த முடியாது. அதுபோன்ற நிலையில் விஎல்சி மீடியா பிளேயரை பயன்படுத்தி வீடியோவினை பதிவு செய்ய முடியும். மேலும் புதியதாக வெப்கேம் வாங்கி பயன்படுத்தும் போதும் அது சரியாக வேலை செய்கிறதா இல்லையா என்பதை சரிபார்ப்பதற்கும் இந்த முறையினை பயன்படுத்தி பரிசோதித்து பார்க்க முடியும்.

இதற்கு முதலில் உங்கள் கணினியில் வெப்கேமினை இணைக்கவும், மடிக்கணினியில் வெப்கேம் இருப்பியல்பாகவே இருக்கும். ஒரு சில மடிக்கணினியில் வெப்கேம் இருக்காது. (தமிழகஅரசு வழங்கிய மடிக்கணினிகளில் வெப்கேம் இருக்காது என்பதை நினைவில் கொள்ளவும்). பின் விஎல்சி மீடியா பிளேயரை உங்கள் கணினியில் நிறுவவும்.

இணையத்தின் உதவியுடன விஎல்சி மீடியா பிளேயரை பதிவிறக்கி கணினியில் நிறுவிக்கொள்ளவும். பின் விஎல்சி பிளேயரை ஒப்பன் செய்யவும். தோன்றும் விண்டோவில் Media என்னும் பைல் மெனு பொத்தானை அழுத்தி தோன்றும் வரிசையில் Open Capture Device என்பதை தேர்வு செய்யவும். அல்லது Ctrl + c என்னும் சுருக்கு விசையை பயன்படுத்தவும்.

தோன்றும் விண்டோவில் Capture Device என்னும் டேப்பினை தேர்வு செய்து Video device name என்பதற்கு எதிரே உள்ள கோம்போ பாக்சில் வெப்கேமினை தேர்வு செய்யவும். 

பின் Media என்னும் பைல் மெனு பொத்தானை அழுத்தி தோன்றும் வரிசையில் Convert/Save என்பதை தேர்வு செய்யவும். தோன்றும் விண்டோவில் File என்னும் டேப்பினை தேர்வு செய்து, பின் Convert / Save என்னும் பொத்தானை அழுத்தி சேமித்துக்கொள்ளவும். இப்போது விஎல்சி பிளேயரை ஒப்பன் செய்யவும் அப்போது வீடியோவானது பதியப்படும் அதனை வழக்கம் போல் பயன்படுத்திக்கொள்ள முடியும்.

Thank You. More Details www.infotrinco.com

காணாமல் போன CD Driveஐ கணினியில் திரும்ப கொண்டுவருவது எப்படி?

கணினியில் நாம் தேவையான கோப்புகளை நகலெடுக்க, படம் பார்க்க போன்ற வேலைகளை செய்ய உதவியாக இருப்பது CD/DVD டிரைவ் ஆகும்.  சில நேரங்களில் CD டிரைவில் CDயை போட்டு பார்த்தால் கணினியின் my computerல் CD டிரைவ் காணாமல் போயிருக்கும். நமது CD டிரைவ் நல்ல நிலையில் இருந்தும் நன்றாக வெளியில் வந்து உள்ளே செல்கிற நிலை இருப்பினும் அதற்குரிய டிரைவ் கணினியில் காட்டப்படாமல் இருக்கலாம். இதனை எப்படி சரி செய்வது?

1.  முதலில் Device Managerல் CD டிரைவ் இயல்பு நிலையில் இருக்கிறதா என்று பாருங்கள். Devise Manager செல்ல desktopல்  உள்ள my computer ஐகானை வலது கிளிக் செய்து manage மெனுவை கிளிக் செய்யவும். அதில் இடதுபக்கமுள்ள பகுதியில் Devise Manager என்பதை கிளிக் செய்தால் வலது பக்கம் நமது கணினியில் பொருத்தப்பட்டுள்ள கருவிகளின் பட்டியல் தெரியும். அதில் CD/DVD Rom devices என்பது enable ஆக உள்ளதா என பார்க்க வேண்டும்.

2.  உங்கள் கணினியின் CPUவில் CD/DVD டிரைவை இணைக்கும் cable சரியாக உள்ளதா என சரிபார்க்கவும்.

3.  மேற்கண்டவை சரியாக இருந்தும் கணினியில் CD டிரைவ் தெரியவில்லை என்றால் Registerல் ஒரு மாற்றம் செய்வதன் மூலம் காணாமல் போன CD டிரைவை மீட்கலாம்.

Start->Run சென்று regedit என்று type செய்து எண்டர் செய்யவும். இப்போது கணினியின் Registry Editor திறக்கப்படும். பின்னர் கீழ் உள்ள keyஐ கண்டுபிடிக்கவும். நீங்கள் தேர்வு செய்த Key சரியானது தானா என்பதை உறுதி செய்ய அதன் வலதுபக்கம் CD/DVD டிரைவ் எனக் குறிப்பிடப்பட்டிருக்கும்.

HKEY_LOCAL_MACHINESYSTEMCurrentControlSetControlClass{4D36E965-E325-11CE-BFC1-08002BE10318}

இந்த keyஐ கிளிக் செய்து வலது பக்கம் உள்ள பட்டியலில் UpperFilters, LowerFilters ஆகிய Subkeyகள் இருந்தால் இரண்டையும் அழித்துவிடவும். அழிப்பதற்கு வலது கிளிக் செய்து Delete கொடுக்கவும். ஒரு முறை கணினியை  Restart செய்து விட்டு பார்க்கவும்.

Thank You.

www.infotrinco.com